कोरोना संक्रमित सांसदहरुलाई पनि संसद बैठकमा सहभागी गराउने
काठमाडौं । संघीय संसद सचिवालयले कोरोना संक्रमण पुष्टि भएको सांसदहरुलाई पनि बैठकमा सहभागी गराउने भएको छ ।
अहिले सरकारका केही मन्त्री समेत गरी २५ जना सांसदहरुमा कोरोना पुष्टि भएको छ । प्रधानमनत्री केपी र्शा ओलीले विश्वासको मत लिनका लागि सोमबार बोलाइएको विशेष अधिवेशनमा सबैलाई सहभागी गराइने सचिवालयले जनाएको छ ।
उनीहरूलाई बस्नका लागि छुट्टै स्थान बनाइने छ । सबै सांसदहरु मतदानमा पनि सहभागी हुन पाउने छन् ।
बैठकअघि गरिएको परीक्षणमा पर्यटन मन्त्री भानुभक्त ढकाल, ऊर्जा मन्त्री टोपबहादुर रायमाझी, महिला बालबालिका तथा ज्येष्ठ नागरिक मन्त्री जुली महतोसहित दुई दर्जन सांसदहरूमा कोरोना संक्रमण भएको छ ।
