साथीको हत्या आरोपमा एकजना पक्राउ
काठमाडौं । आफ्नै साथीको हत्या गरेको आरोपमा प्रहरीले सुनसरीबाट एकजनालाई पक्राउ गरेको छ । प्रहरीका अनुसार पक्राउ पर्नेमा सुनसरीको वराह नगरापलिका–४ घर भएका २४ वर्षीय प्रकाश तामाङ रहेको जनाएको छ।
इलाका प्रहरी कार्यालय इटहरीबाट खटिएको टोलीले तामाङलाई इटहरी उपमहानगरपालिका–६ बाट पक्राउ गरेको हो ।
इलाका प्रहरी कार्यालय इटहरीका इन्सपेक्टर केशव कुमार कटवालका अनुसार उनले वैशाख २२ मा रातको समयमा इटहरी उपमहानगरपालिकाको ट्याङ्ग्रा खोलामा हत्या गरेको प्रहरी अनुसन्धानबाट खुलेको छ ।
दायाँ हातको नाडीमा ‘दुखी राई’ नाम लेखेका मृतकको यकिन नाम ठेगाना खुलेको छैन । प्रकाशले उनी सडकमा भेटेर ‘साथी’ बनेको तर नाम र ठेगाना थाहा नभएको प्रहरीलाई बताएका छन् ।
