संसद विघटनविरुद्ध अनेरास्ववियूद्वारा काठमाडौंमा मसाल जुलुस
काठमाडौं । प्रतिनिधिसभा संसद विघटनविरुद्ध प्रचण्ड–माधवन नेपाल समूह निकट विद्यार्थीहरुले सोमबार साँझ काठमाडौंमा मसाल जुलुस प्रदर्शन गरेका छन् ।
संसद पुनस्थापनाको माग गर्दै नेपाल कम्युनिष्ट पार्टी (नेकपा)को प्रचण्ड–माधवन नेपाल समूह निकट अनेरास्ववियूले अमृत साइन्स क्याम्पस अगाडि मसाल जुलस निकालेको हो ।
संसद विघटन गर्नु असंवैधानिक र अलोकतान्त्रिक कदम भएको भन्दै उनीहरुले आफूहरुले आन्दोलनमा उत्रिएको बताएका छन् ।
उनीहरुले प्रधानमन्त्री केपी शर्मा ओली र राष्ट्रपति विद्यादेवी भण्डारीका विरुद्ध नाराबाजी समेत गरेका थिए ।
