अतिआवश्यक परे मात्र अस्पताल आउन भरतपुर अस्पतालको आग्रह
चितवन । भरतपुर अस्पतालले अतिआवश्यक परे मात्रै अस्पताल आउन सर्वसाधारणमा अपिल गरेको छ ।
अस्पतालले एक अपिल प्रकाशित गरी अस्पतालमा भीडभाड हुँदा कोभिड–१९ संक्रमणको जोखिम बढी हुने भएकाले अतिआवश्यक परे मात्रै अस्पताल आउन अपिल गरेको हो ।
अस्पतालमा सेवा लिन आउँदा पनि जनस्वास्थ्यका मापदण्ड मास्क लगाउने, साबुनपानीले समय समयमा हात धुने वा स्यानिटाइजर प्रयोग गर्ने, भौतिक दूरी कायम गर्नेजस्ता कार्य अनिवार्यरूपमा पालना गर्न पनि अपिलमा आग्रह गरिएको छ ।
