आज बस्ने भनिएको माओवादी केन्द्रको स्थायी कमिटी बैठक स्थगित
काठमाडौं । आज दिउँसो १ बजे बस्ने भनिएको नेकपा माओवादी केन्द्रको स्थायी कमिटी बैठक स्थगित भएको छ ।
बैठकमा विकसित राजनीतिक घटनाक्रमबारे अरू राजनीतिक दलसँग छलफल गर्नु पर्ने भएपछि स्थगित गरिएको कार्यालय सचिव श्रीराम ढकालले जानकारी दिए ।
अचानक संसद अधिवेशन अन्त्य गरेपछि यसबारे अरू दलहरूको धारणा लिएर मंगलबार सरकारलाई दिएको समर्थन के गर्ने भन्नेबारे निर्णय लिन बैठक बस्ने उनले बताए ।
