अजोड इन्स्योरेन्सले कति प्रतिशत हकप्रद शेयर निष्काशन गर्दै ?
काठमाडौं । केही समयअघि आईपीओ निष्काशन गरेको अजोड इन्स्योरेन्सले चुक्तापुँजीको ५० प्रतिशत हकप्रद शेयर पनि निष्काशन गर्ने भएको छ । कम्पनीले यो प्रस्ताव आगामी साधारण सभामा लैजाने जनाएको छ । साधारण सभाले यो प्रस्ताव पारित गरेपछि कम्पनीले हकप्रद शेयर निष्काशन गर्ने छ ।
हाल कम्पनीको चुक्तापुँजी रु.१ अर्ब छ । त्योअनुसार कम्पनीले ५० करोड रुपैयाँको हकप्रद शेयर निष्काशन गर्नेछ । त्यसपछि कम्पनीको चुक्तापुँजी रु.१ अर्ब ५० करोड पुग्ने छ ।
कम्पनीले आफ्नो तस्रो साधारण सभा आगमी बैशाख ७ गते बस्दैछ । सोही सभामा यस्तो प्रस्ताव लैजान लागिएको हो ।
साधारणसभामा सर्वसाधारण समुहबाट दुई जना सञ्चालकको निर्वाचन गर्ने कार्यक्रम रहेको छ ।
