चितवनमा ट्रक र जिप ठोक्किँदा एक जनाको मृत्यु
चितवन । पूर्व(पश्चिम राजमार्गअन्तर्गत पूर्वी चितवनमा भएको सवारी दुर्घटनामा परी एकको मृत्यु भएको जिल्ला प्रहरी कार्यालय चितवनले जनाएको छ । मृत्यु हुनेमा धादिङको धुसा गाउँपालिका(१ का २७ वर्षीय महेश फुयाल रहेका छन् ।
काँकडभिट्टाबाट नारायणगढतर्फ आउँदै गरेको ना८ख १४२० नम्बरको तरकारी बोकेको ट्रक र विपरीत दिशाबाट गइरहेको बा१८च १३७१ नम्बरको बोलेरो जिप सोमबार बिहान राप्ती नगरपालिका(३ मार्तलपुल नजिक एकापसमा ठक्कर खाएको कार्यालयका प्रवक्ता प्रहरी नायब उपरीक्षक सूर्यबहादुर थापाका बताए ।
ठक्करबाट तरकारी बोकेको ट्रक सडकबाट १० मिटर तल खस्दा चालक फुयालको घटनास्थालमा नै मृत्यु भएको प्रहरीले जनाएको छ ।
दुर्घटनामा परी सहचालक तनहुँको बन्दीपुर गाउँपालिका(५ का २७ वर्षीय विवेक थापा घाइते भएको प्रहरीले जनाएको छ । घाइते थापाको पुरानो मेडिकल कलजेमा उपचार भइरहेको छ । ट्रक, बोलेरो र चालक इलाका प्रहरी कार्यालय भण्डाराको नियन्त्रणमा रहेको जनाएको छ।
