सरकारको नेतृत्व जसपाले गर्ने बाबुरामको दाबी
काठमाडौं । जनता समाजवादी पार्टीको संघीय परिषदका अध्यक्ष डा.बाबुराम भट्टराईले आफ्नो दलले सरकारको नेतृत्व गर्ने दाबी गरेका छन् । ट्वीट गर्दै उनले आफ्नो दल कसैको पुच्छर नभएको उल्लेख गर्दै देशको नेतृत्व गर्ने दाबी गरेका हुन् ।
भट्टराईले गएराति ट्वीट गर्दै जसपाको भूमिकाबारे तीन बुँदामा देशको नेतृत्व गर्ने शक्ति भएको उल्लेख गरेका छन् । उनले गणतन्त्र, संघीयता, धर्मनिरपेक्षता र समावेशी लोकतन्त्रविरुद्ध जसपाले कसैसँग सम्झौता नगर्ने र सत्तारुपी जुवाको खालको च्याँखेदाउ थाप्ने खेलाडी नभएको समेत उल्लेख गरेका छन् ।
जसपाबारे जान्नैपर्ने कुरा:१.यो तासको जोकर वा सत्तारूपी जुवाको खालको च्यॅाखेदाउ थाप्ने खेलाडी हैन;बरू परम्परागत राजनीतिको अग्रगामी विकल्प हो!२.गणतन्त्र,.संघीयता,धर्मनिरपेक्षता र समावेसी लोकतन्त्र विरूद्ध कसैसंग सम्झौता गर्दैन;३.यो कसैको पुच्छर हैन,आफै देशको नेतृत्व गर्ने शक्ति हो।
— Baburam Bhattarai (@brb1954) March 13, 2021
