शेरबहादुर देउवाले बोलाए पदाधिकारी बैठक, यस्तो छ छलफलको विषय
काठमाडौं । आज नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् ।
देउवा निवास बुढानिलकण्ठमा शुक्रवार दिउँसो ३ बजे पदाधिकारी बैठक बस्न लागेको कांग्रेस मुख्यसचिव कृष्णप्रसाद पौडेलले जानकारी दिएका छन् ।
आजको बैठकमा पछिल्लो राजनीतिक घटनाक्रम र सत्ता समिकरणका विषयमा कांग्रेस कसरी अगाडी बढ्ने भन्ने विषयमा छलफल हुने बताइएको छ ।
त्यस्तै, देउवाले सत्ता समीकरणका सन्दर्भमा आजै ४ बजे आफ्नो निवास बूढानीलकण्ठमा जसपाका नेताहरुसँग छलफल गर्ने भएका छन् ।
