चार दिनसम्म बन्धक बनाई बलात्कार गर्ने व्यक्ति पक्राउ
काठमाडौं । भक्तपुर जिल्लाको कौशलटारमा एक १७ वर्षीया किशोरीलाई बिवाह गर्छु भनि ११ फागुनदेखि १४ फागुनसम्म बन्धक बनाई जबरजस्ती करणी गरेको आरोपमा प्रहरीले युवकलाई पक्राउ गरेको छ ।
पक्राउ पर्नेमा सिरहाको धनगढी नगरपालिका–४ सन्तनगर घर भई हाल कौशलटारमा डेरा गरी बस्ने २७ वर्षीय दुर्गानन्द चौधरी रहेका छन् । चौधरीले उदयपुरको गाईघाट घर भएकी १७ वर्षीया किशोरीलाई चार दिनसम्म कोठामा राखेर जबरजस्ती करणी पाइएको छ ।
‘विवाह गर्छु, घुम्न जाउ’ भनेर किशोरीलाई गाईघाटबाट बसमा चढाई कौशलटारस्थित डेरामा ल्याएर किशोरीलाई पटक–पटक जबरजस्ती करणी गरेको पाइएको प्रहरीले जनाएको छ ।
किशोरीले अभिभावकको सहयोगमा २१ फागुनमा चौधरीविरुद्ध जबरजस्ती करणी आरोपमा किटानी जाहेरी दिएपछि प्रहरीले उनलाई पक्राउ गरेको हो । चौधरीलाई मध्यपुर ठिमी नगरपालिका–३ गठ्ठाघरबाट पक्राउ गरिएको हो ।
