विप्लव महासचिव र रेखा थापाको भेटवार्ता, भेटमा यस्तो भयो कुरा
काठमाडौं। नेकपाका महासचिव नेत्रबिक्रम चन्द विप्लव र अभिनेत्री रेखा थापाबीच भेटवार्ता भएको छ । सरकारले नेकपालाई प्रतिबन्ध लगाउँदा नै यसको विरोध गरेकी थापाले शान्तिपूर्ण राजनीतिमा आएसँगै विप्लवलाई भेटेपछि यो भेटमा के कुरा भयो भन्ने विषयले चासो उत्पन्न गरेको छ । रेखा थापाले आफूले विप्लवलाई भेटेर शान्तिपूर्ण राजनीतिमा आएकोमा बधाइ दिएको बताएकी छिन् ।
जनताको अगुवाइ गर्ने नेता शान्तिपूर्ण राजनीतिमा आउनु आवश्यक भएको भन्दै थापाले विप्लवको यो कदम सही भएको र हामी सबैले यसको स्वागत गर्नुपर्ने बताइन् । थापाले विप्लवलाई बधाइसँगै आगामी राजनीतिक जीवनको लागि शुभकामना समेत दिएको बताएकी छिन् ।
