नेपालमा कोरोना:१०७ सङ्क्रमित थपिए, ७८ कोरोनामुक्त
काठमाडौं । नेपालमा कोरोनाभाइरसका १०७ जना सङ्क्रमित थपिएका छन् । पछिल्लो चौबीस घण्टामा ७८ जना सङ्क्रमित निको भएका छन् ।स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा १०७ जना सङ्क्रमित थपिदा नेपालमा कोरोनाका कुल सङ्क्रमितको संख्या दुई लाख ७४ हजार ४८८ पुगेको जनाएको छ । हाल ७९५ जनामा भाइरसको सङ्क्रमण सक्रिय छ ।
हालसम्म दुई लाख ७० हजार ६८३ जना सङ्क्रमित निको भएका छन् । कोरोना सङ्क्रमणबाट निको हुने दर ९८.६१ छ ।चौबीस घण्टामा ३७ जना महिला र ७० जना पुरुष सङ्क्रमित थपिएका छन् ।मन्त्रालयका अनुसार पछिल्लो चौबीस घण्टामा कसैको पनि मृत्यु भएको छैन । हाल ७९५ जना आइसोलेशनमा र ५७ जना क्वारेन्टिनमा छन् ।पछिल्लो चौबीस घण्टामा पाँच हजार ५३६ जनाको आरटीपीसीआर परीक्षण गरिएको मन्त्रालयले जनाएको छ । मन्त्रालयका अनुसार हालसम्म २१ लाख ७९ हजार ४७ जनाको आरटीपीसीआर परीक्षण गरिएको छ ।
