नेप्सेमा झन्डै ६० अङ्कको गिरावट
काठमाडौँ ।नेपाल स्टक एक्सचेन्ज नेप्से झन्डै ६० अङ्कले घटेको छ।
मङ्गलवारको सेयर बजार ५९.७० अङ्कले घटेको स्टक एक्सचेन्जले जनाएको छ। नेप्से परिसूचक २.३७ प्रतिशतले घटेर २ हजार ४५५ कायम भएको छ।
सेयर बजारमा १ करोड ३१ लाख ६ हजार ७३८ कित्ता सेयर किनबेच हुँदा ६ अर्ब ११ करोड ९६ लाख ३८ हजार ६६९ रुपैयाँको कारोबार भएको छ। २०८ कम्पनीका सेयर ६४ हजार ७८७ पटक किनबेच भएको छ। व्यापार र होटेल समूहका सेयर बाहेक अधिकांश कम्पनीको सेयर मूल्य घटेको छ।
