नायक पल साहविरुद्ध प्रहरीमा उजुरी
काठमाडौं । नायक पल शाहविरुद्ध प्रहरीमा उजुरी परेको छ। एक चलचित्रकर्मीलाई कुटपिट गरेको आरोपमा उनीविरुद्ध प्रहरीमा उजुरी परेको हो ।
चलचित्रकर्मी महासंघ प्रदेश १ का अध्यक्ष अरुण प्रधानले नायक शाहले आफूलाई कुटपिट गरेको भन्दै इलाका प्रहरी कार्यालय धरानमा उजुरी दिएका हुन् । शाहलाई शुक्रबार दिउँसो छलफलका लागि बोलाइएको इलाका प्रहरी कार्यालय धरानका डिएसपी ज्ञानेन्द्र बस्नेतले जानकारी दिएका छन् ।
म्युजिक भिडियोको सुटिङका लागि धरान आएका साहको निर्देशनमा सहयोगी कृष्णप्रसाद जोसीले आफूमाथि आक्रमण गरेको प्रधानको दाबी गरेका छन् छ । कुटपिट अघि दुव्यर्वहार गरेका साहले होटल ज्वाई खानामा रहेका बेला ८-१० जनाको टोली नै बोलाएको प्रधानले बताए । ‘कार्यक्रमका विषयमा छलफल गर्दा उनले दुव्र्यवहार गरे,’ प्रधानले भने, ‘त्यहीँबाट ८-१० जना केटाहरु बोलाए, उनीहरुले मलाई चिनेका कारण पछि हटे । साहको निर्देशनमा जोसीले आक्रमण गरे ।’आफूमाथि आक्रमण भएपछि उजुरी गरेको उनले बताए ।
‘म्युजिक भिडियोको सुटिङका लागि आउनु भएको थियो, लोकेशन हेर्नेदेखि सबै विषयमा मैले सहयोग गरेँ,’ उनले भने ‘तर ममाथि नै आक्रमण भएपछि उजुरी दिए ।’ साहले म्युजिक भिडियोको सुटिङ बिहीबार नै सकेका थिए ।
