घरबाटै झा दम्पतीकाे अपहरण
जनकपुरधाम । महोत्तरीको पिपरा गाउपालिका ५ का एक दम्पतीकाे घरबाटै अपहरण भएकाे घटना सार्वजनिक भएको छ ।
६५ वर्षीय मोसाफिर झा र उनकी ६० वर्षीया पत्नी गीतादेवी झा सोमबार राति घरबाटै अपहरणमा परेका छन् ।
झा दम्पतीको खोजीका लागि स्थानीयले चक्काजाम गरेपछि घटना बाहिरिएको हो । झा मातपोत कार्यालयका अवकाश प्राप्त कर्मचारी रहेको प्रहरीले जनाएको छ ।
सोमबार राति घरमै सुतेका झा दम्पती विहान नभेटेपछि उनको परिवारले प्रहरीलाई खबर गरेको थियो । जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक प्रकाश बिष्टले झा दम्पती बेपत्ता भएको ठाउमा रगतको छिट्टा देखिएको जानकारी दिए ।
