पूर्वप्रधानमन्त्री भट्टराई अस्पताल भर्ना
काठमाडौं । उपचारका लागि नयाँ दिल्ली पुगेका पूर्वप्रधानमन्त्री तथा जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईलाई अस्पताल भर्ना गरिएको छ ।
प्रेस सल्लाहकार विश्वदीप पाण्डेका अनुसार भट्टराईलाई बिहान ९ बजे भारतको नयाँ दिल्लीस्थित ‘इन्स्टिच्युट अफ लिभर एण्ड बिलिअरी साइन्सेस’ मा भट्टराईलाई भर्ना गरिएको हो । ‘आज दिनभर उहाँलाई अस्पतालमा राखी आवश्यक सबै परीक्षण गरिनेछ’, पाण्डेले ट्वीटमा लेखेका छन् ।
चिकित्सकले न्यूरो-इन्डोक्राइनको ट्युमर भएको आशंका गरी चिकित्सककै सल्लाहअनुसार भट्टराई नेपाल वायु सेवा निगमको जहाजबाट सोमबार दिल्ली गएका हुन् ।
