थप १२२ जनामा कोभिड-१९ संक्रमण पुष्टि
काठमाडौ।नेपालमा सोमबार थप १२२ जनामा कोभिड–१९ को संक्रमण पुष्टि भएको छ । यो संगै नेपालमा संक्रमितको संख्या २ लाख ७२ हजार ८४० पुगेको छ ।
त्यस्तै संक्रमणका कारण थप १ जनाको मृत्यु भएको छ । हालसम्म नेपालमा दुई हजार ५५ जनाले कोरोनाका कारण ज्यान गुमाएको स्वास्थ्य मन्त्रालयले जनाएको छ । त्यस्तै थप १४४ जना संक्रमित निको भएका छन् भने हालसम्म २ लाख ६९ हजार २०४ जनाले नेपालमा कोरोना जितेका छन् ।
हाल नेपालमा १५ सय ८१ जना आइशोलेशन र ७९ जना क्वारेन्टाइनमा छन् भने २१ लाख २० हजार ५९१ वटा पिसिआर गरिएको स्वास्थ्य मन्त्रालयले जनाएको छ ।
