प्रतितोला ६ सय रुपैयाँले घट्यो, कतिमा हुदैँछ कारोबार ?
काठमाडौं । नेपाली बजारमा शुक्रबार सुनचाँदीको मूल्य ओरालो लागेको छ ।
आज सुन प्रतितोला ९० हजार ९ सय रूपैयाँमा कारोबार भएको छ । यो अघिल्लो दिनको तुलनामा ६ सयले कम हो । बिहीबार सुन प्रतितोला ९१ हजार ५ सय रूपैयाँमा कारोबार भएको थियो ।
त्यस्तै, शुक्रबार चादीँ प्रतितोला १३ सय २० रूपैयाँमा कारोबार भएको छ । अघिल्लो दिन चाँदी प्रतितोला १३ सय १५ रूपैयाँमा कारोबार भएको थियो । अन्तर्राष्ट्रिय बजारमा सुन प्रतिऔंस १८ सय २२ अमेरिकी डलरमा कारोबार भइरहेको छ ।
