कांग्रेसको केन्द्रीय समिति बैठक आज तेस्रो दिन पनि जारी
काठमाडौं । प्रमुख प्रतिपक्ष दल नेपाली कांग्रेसको केन्द्रीय समिति बैठक आज तेस्रो दिन पनि जारी रहने भएको छ।
आज दिउँसो १ बजे पार्टीको केन्द्रीय कार्यालय (सानेपा) मा केन्द्रीय समितको बैठक बस्ने नेपाली कांग्रेसका मुख्यसचिव कृष्णप्रसाद पौडेलले जानकारी दिएका छन ।
हिजो दोस्रो दिनको बैठकपछि कांग्रेसका प्रवक्ता विश्वप्रकाश शर्माले आजको बैठकले संसद् विघटनविरुद्ध आन्दोलन घोषणा गर्ने बताएका थिए ।
बुधबारको बैठकमा रामशरण महत, गगन कुमार थापा, बलबहादुर केसी र आनन्द ढुंगानाले आ आफ्नो धारणा राखेका थिए।
