भक्तपुरमा बन्ने बीर अस्पतालका लागि आर्थिक अभाव हुँदैन : अर्थ मन्त्री पौडेल
काठमाडौ।। अर्थ मन्त्री विष्णु पौडेलले भक्तपुरको दुवाकोटमा बन्न लागेको बीर अस्पतालको बिस्तारित अस्पताल बनाउन आर्थिक अभाव नहुने बताएका छन् ।भक्तपुर जिल्लाको चाँगुनारायण नगरपालिका वडा नम्वर १ दुवाकोटमा बिस्तार गर्न लागिएकोे निर्माण क्षेत्रको अवलोकन गर्दै मन्त्री पौडेलले वीर अस्पताल विस्तारका लागि कुनै पनि निकायवाट बाधा नहुने बताएका हुन् ।उनले वीर सम्म पुग्ने बाटो निर्माणमा केन्द्रले नै काम गर्ने बताएका छन् । आगामी ६ महिना भित्रमा विजुली पानी तथा अत्यावश्यक सेवा उपलब्ध गराउने समेत उनले बताए ।
उनले सडक डिभिजन, विद्युत प्राधिकरण,खानेपानी तथा अन्य निकायका सचिव तथा सम्वन्धित न्याम्स तथा वीरका पधाधिकारीहरुलाई साथै स्थानीय निकायका प्रमुखलाई पनि ६ महिना भित्र प्रगती प्रतिवेदन पेश गर्न आग्रह गरेका थिए ।
