सामाखुशीमा ट्याक्सी जलाउने ओली पक्षकै कार्यकर्ता, अभियुक्त प्रहरी नियन्त्रणमा
काठमाडौ।नेपाल कम्युनिष्ट पार्टी (नेकपा) को प्रचण्ड–नेपाल समूहले बिहिबार देशभर आमहड्ताल गरेको थियो। त्यसैक्रममा काठमाडौंको सामाखुशीमा गुडिरहेको ट्याक्सीमा अज्ञात समूहले आगजानी गरेको थियो। ट्याक्सीमा आगो लगाउने प्रचण्ड–नेपाल समूहको कार्यकर्ता नभई ओली समूहको भएको पाइएको छ। ट्याक्सीमा आगो लगाउने त्रिचन्द्र कलेजमा पढ्ने कार्यकर्ता गोविन्द थपलिया रहेको पाइएको छ।
उनलाई प्रहरीले शुक्रबार बिहान पक्राउ गरेको छ। थप अनुसान्धान भइरहेको प्रहरीले बताएको छ। यसअघि गत मंसिरमा उनी त्रिचन्द्र क्याम्पस प्रमूखलाई कुटेर पक्राउ परेका थिए।
काठमाडौ महानगरपालिका–२६ आत्मज्ञानस्थित सडकमा बिहिबार बिहान ६ः३० बजे प्रदेश ३–०१–००२ ज ५८८१ नम्बरको ट्याक्सीमा आगजानी गर्दा ट्याक्सी जलेर नष्ट भएको थियो।
संवैधानिक निकायहरूमा बलमिच्याई गर्दै नियुक्ति गरेको विरोधमा नेकपाको पुष्पकमल दाहाल प्रचण्ड र माधवकुमार नेपाल पक्षले आमहड्तालको गरेको हो।By Sourse:Nepal Public
