चितवनमा वडाध्यक्ष होमबहादुर रानामगरको निधन
२१ माघ, चितवन । चितवनको इच्छाकामना गाउँपालिका–४ का वडाध्यक्ष होमबहादुर रानामगरको ३८ वर्षको उमेरमा निधन भएको छ । भारतको नयाँदिल्लीस्थित मेदान्त अस्पतालमा उपचारको क्रममा गए राति उनको निधन भएको हो ।
रानामगर लामो समयदेखि कलेजो पीडित थिए । उनको शवलाई आजै नेपाल ल्याउने तयारी भइरहेको गाउँपालिका प्रवक्ता सावित्री गुरुङले जानकारी दिए । रानामगरको श्रीमती र एक छोरी रहेकी छिन् । उनी नेपाली काँग्रेसबाट वडाध्यक्षमा निर्वाचित भएका थिए ।
