घट्यो आज सुनको मूल्य, कतिमा हुदैँछ कारोबार ?
काठमाडौं । बुधबार सुनको मूल्य प्रतितोला ६०० रुपैयाँ घटेको छ। मंगलबार प्रतितोला ९२ हजार ६०० मा कारोबार भएको थियो। आज ९२ हजार कायम भएको नेपाल सुनचाँदी व्यवसायी महासंघले जनाएको छ।
महासंघका अनुसार आज तेजाबी सुनको मूल्य पनि तोलामा ६०० रुपैयाँ घटेको छ। मंगलबार ९२ हजार १०० मा कारोबार भएको सुनको मूल्य आज ९१ हजार ५०० तोकिएको छ।
चाँदीको मूल्य तोलामा ६० रुपैयाँले ओरालो लागेको छ। मंगलबार एक हजार ३८० मा कारोबार भएको चाँदीको मूल्य आज एक हजार ३२० कायम भएको छ।
