‘पछिल्लो २४ घण्टामा कोरोनाबाट मृत्यु हुनेको संख्या शून्य’
काठमाडौ।नेपालमा पछिल्लो २४ घण्टामा कोरोनाबाट कुनै पनि व्यक्तिको मृत्यु नभएको स्वास्थ्य मन्त्रालयले जनाएको छ । अहिलेसम्म नेपालमा कोरोनाबाट ज्यान गुमाउनेको संख्या दुई हजार २९ छ ।
यस्तै पछिल्लो २४ घण्टामा थप १५९ जनामा कोरोना भाइरस संक्रमण पुष्टि भएको छ । देशभरका प्रयोगशालामा गरिएको परिक्षणमा १५९ जनामा संक्रमण देखिएको हो । योसँगै नेपालमा कुल कोरोना संक्रमितको संख्या २ लाख ७१ हजार ११८ पुगेको छ । पछिल्लो २४ घण्टामा २६४ जना कोरोना संक्रमणमुक्त भएका छन् । हालसम्म २ लाख ६६ हजार ६०० जना संक्रमणमुक्त भएका छन् । नेपालमा हाल संक्रिय संक्रमितको संख्या २ हजार ४८९ रहेको छ ।
