धादिङ थाक्रेमा रोकि राखेको ट्रकमा अर्को ट्रक ठोक्किँदा दुई जनाको मृत्यु
काठमाडौं । धादिङको थाक्रे गाउँपालिका-२ कोइरालेमा रोकि राखेको ट्रकमा अर्को ट्रक ठोक्किँदा दुई जनाको मृत्यु भएको छ । भने, एक जना गम्भीर घाइते भएका छन् ।
बिग्रिएर सडक छेउमा रोकेर राखेको ना ६ ख ६४६५ नम्बरको ट्रकमा त्यही दिशाबाट आउँदै गरेको लु २ ख २७० नम्बरको ट्रक ठोक्किँदा दुर्घटना भएको हो ।
गएराति साढे ३ बजेतिर भएको दुर्घटनामा ज्यान गुमाएका दुई जनाको परिचय खुलेको छैन । दुर्घटनामा लु २ ख २७० नम्बरको ट्रकका चालक गम्भीर घाइते भएका छन् । उनलाई उपचारका लागि काठमाडौंको ट्रमा सेन्टर ल्याइएको महानगरीय ट्राफिक प्रहरी महाशाखाले जनाएको छ ।
