प्रधानमन्त्री कपको उपाधिका लागि आर्मी र एपिएफबीच आज प्रतिस्पर्धा
काठमाडौं । प्रधानमन्त्री कप एकदिवसीय पुरुष क्रिकेट खेलमा नेपाली सेनाको त्रिभुवन आर्मी क्लब र सशस्त्र प्रहरी बलको एपिएफ क्लबबीच चौथो संस्करणको उपाधिका लागि शनिबार प्रतिस्पर्धा हुँदै छ।
दुवै विभागीय टोलीबीचको खेल कीर्तिपुरस्थित त्रिवि क्रिकेट मैदानमा शनिबार बिहान ९ बजेदेखि सुरु हुने छ। आर्मी लगातार चौथोपटक प्रतियोगिताको फाइनलमा पुगेको हो।
दुवै टिम एक–अर्कालाई पराजित गर्दै चौथो संस्करणको उपाधि जित्ने लक्ष्यमा छन्। उपाधि विजेताले रु १० लाख तथा उपविजेताले रु पाँच लाख पुरस्कार प्राप्त गर्नेछन् ।
