लागु औषधसहित एक युवक पक्राउ
रौतहट । प्रतिबन्धित लागू औषध ट्याबलेटसहित रौतहटमा एक युवकलाई प्रहरीले पक्राउ गरेको छ ।
ईलाका प्रहरी कार्यालय चपुर र लागुऔषध नियन्त्रण व्यूरो, शाखा कार्यालय, वीरगञ्जबाट संयुक्त रुपमा खटिएको प्रहरी टोलीले रौतहट चन्द्रपुर नगरपालिका १ स्थित पूर्वपश्चिम लोकमार्ग अन्तर्गत पर्ने मंगलपुर चोकबाट उनलाई पक्राउ गरेको हो ।
पक्राउ पर्नेमा सर्लाही बागमती नगरपालिका ४ का शेरबहादुर कुश्वारा रहेका छन् । उनलाई लागुऔषध ट्याबलेटसहित प्रहरीले पक्राउ गरेको हो । कुश्वारबाट बा ९३ प ८६१ नंम्बरको पल्सर मोटरसाईकल समेत बरामद भएको छ । उनको साथमा दुई हजार एकसय नाईट्रोभेट नामको लागुऔषध ट्याबलेट फेला परेको जनाएको छ।
कुश्वारलाई लागु औषध र मोटरसाइकलसहित ईलाका प्रहरी कार्यालय चन्द्रनिगाहपुरमा राखिएको छ । उनलाई रौतहट जिल्ला अदालतबाट म्याद थमाएर थप अनुसन्धान भइरहेको जिल्ला प्रहरी कार्यालय रौतहटले जनाएको छ ।
