आज प्रचण्ड–माधव समुहको विराटनगरमा शक्ति प्रदर्शन
१६ माघ, काठमाडौं। प्रतिनिधि सभा विघटनविरुद्ध नेकपाको प्रचण्ड–माधव समुहको विराटनगरमा शुक्रबार शक्ति प्रदर्शनसहित विरोधसभा गर्ने भएको छ । यसअघि २ चरणको आन्दोलन गरिसकेको नेकपाको सो समूहले
तेस्रो चरणको आन्दोलन अन्तर्गत आज विराटनगरमा प्रदर्शन गर्न लागेको हो । विरोधसभा अघि आसपासका क्षेत्रबाट १२ बजे र्याली निकाल्ने र १ बजे विराटनगरको जनआन्दोलन चोकमा सभा सुरु हुने आयोजकले जनाएको छ ।
सभालाई अध्यक्षद्वय पुष्पकमल दाहाल ‘प्रचण्ड’, माधवकुमार नेपाल र वरिष्ठ नेता झलनाथ खनाललगायतका नेताहरुले सम्बोधन गर्ने बताइएको छ ।
