हिजोदेखि लागेको आगो नियन्त्रणमा आएन
१४ माघ, सुर्खेत । जुम्ला तिला गाउँपालिकाको गोठी गाउँमा हिजोदेखि भीषण आगलागी भएको छ । आगलागी भएको १५ घण्टा बितिसक्दा पन अिझै नियन्त्रणमा आएको छैन ।
मंगलबार बेलुका ६ बजेदेखि सुरु भएको आगलागी रातभर नियन्त्रणमा लिन खोजे पनि अझै नियन्त्रणमा आउँन नसकेको जुम्लाका प्रमुख जिल्ला अधिकारी भूपेन्द्र थापाले जानकारी दिए ।
आगलागीबाट ३० घर जलेर नष्ट भएका छन् । ‘आगलागी भएको जानकारी पाएलगतै सुरक्षा निकायको टोली घटनास्थलतर्फ गए पनि त्यो टोली राति १० बजे पुगेका थिए । ‘रातभर सुरक्षा निकायको टोली र स्थानीयले आगो नियन्त्रणमा लिन खोजे पनि अझै नियन्त्रणमा आएको छैन् ।
घटनास्थलमा १९ जना नेपाल प्रहरी, ११ जना सशस्त्र प्रहरी र स्थानीयहरुले आगो नियन्त्रणको प्रयास जारी राखेका छन् ।
सुधारिएको चुल्होको माथिल्लो भागबाट एक घरको छानोमा रहेको घाँसमा आगो सल्किएपछि गाउँभरि फैलिएको थियो ।
अझै आगो नियन्त्रण नआइसकेकाले घटनाबारे यकिन विवरण आउन नसकेको जनाएको छ ।
