पछिल्लो २४ घन्टामा नेपालमा कोरोनाको अवस्था
माघ,१३ काठमाडौ।पछिल्लो २४ घण्टामा मुलुकभर थप ३०३ जनामा कोभिड-१९ संक्रमण पुष्टि भएको छ । यो संगै नेपालमा कोरोना संक्रमितको संख्या २ लाख ७० हजार ९२ पुगेको छ ।
त्यस्तै कोरोना कारण थप ६ जनाको मृत्यु भएको छ भने नेपालमा हालसम्म २ हजार १७ जनाले कोरोनाका कारण ज्यान गुमाएका छन् ।
त्यस्तै थप २८५ जना कोरानोमुक्त भएका छन् । नेपालमा हालसम्म २ लाख ६४ हजार ८२३ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।
नेपालमा हाल ३२ सय ५२ जना आइसोलेसनमा छन् भने १२२ जना क्वारेन्टाइनमा छन् । हालसम्म नेपालमा २० लाख ५२ हजार ६८७ वटा पीसीआर गरिएको मन्त्रालयले जानकारी दिएको छ ।
