बागमती प्रदेश सभाको बैठक आज
काठमाडौं । बागमती प्रदेशसभाको बैठक आज दिउँसो १ बजे बस्ने भएको छ । बुधबार बैठक बसेर मिति नतोकी बैठक स्थगित भएको थियो ।
कार्यव्यवस्था परामर्श समितिमा सहभागी प्रदेशसभा सदस्यहरुले प्रदेश सभा बैठकको मिति तोक्न सभामुखलाई माग गरे पनि सभामुख सानुकुमार श्रेष्ठले आनाकानी गरिरहेको भन्ने सार्वजनिक भएको थियो ।
प्रदेश सभा सचिवालयका सचिव कृष्णहरि खड्काका अनुसार कार्यव्यवस्था परामर्श समितिले बैठकको मिति र कार्यसूची तय नगरे पनि बिहीबार साँझ मात्रै बैठक आह्वान गर्न सभामुख सानुकुमार श्रेष्ठले आदेश दिएको प्रदेश सभा सचिवालयले जानकारी दिए ।
शुक्रबार १ बजे बस्ने प्रदेश सभाको बैठकको कार्यसूची शुक्रबार बिहान १० बजे निश्चित हुने प्रदेशसभाका सचिव खड्काले जानकारी दिए।
