परराष्ट्रमन्त्री ज्ञवाली र भारतीय रक्षामन्त्री सिंहबीच भेटवार्ता
काठमाडौं । परराष्ट्रमन्त्री प्रदीप ज्ञवाली र भारतीय रक्षामन्त्री राजनाथ सिंहसँग भेटवार्ता गरेका छ ।
ज्ञवालीले तीन दिनको भारत भ्रमणका क्रममा दिल्लीमा अकबर रोडमा रहेको रक्षामन्त्री सिंहको निवासमा भेटवार्ता गरेका हुन् ।
परराष्ट्रमन्त्री ज्ञवालीसँगको भेटका तस्वीरहरू रक्षामन्त्री सिंहले ट्वीटरमार्फत सार्वजनिक गरेका छन् ।
‘भारतको नेपालसँगको सम्बन्ध केबल सरकारमा मात्रै सीमित छैन । यो सम्बन्ध दुई देशका नागरिकबाट अघि बढेको छ । भारत-नेपाल सम्बन्धले असीमित सम्भावना दिनेछ,’ सिंहले ट्वीटरमा लेखेका छन् ।
भेटवार्तामा परराष्ट्रसचिव भरतराज पौड्याल र भारतका लागि नेपाली राजदूत नीलाम्बर आचार्य पनि उपस्थित थिए ।
