ट्याक्टर दुर्घटना हुँदा एक जनाको मृत्यु
बाजुरा । बाजुराको बडीमालिका नगरपालिका–९ चौराटी खेतमा गएराति ट्याक्टर दुर्घटना हुँदा एक जनाको मृत्यु भएको छ ।
ट्याक्टर दुर्घटना हुँदा मृत्यु हुनेमा स्वामीकार्तिक खापर गाउँपालिका–४ छापुका ६० वर्षीय धननाथ योगी रहेको जिल्ला प्रहरी कार्यालय बाजुराका प्रहरी निरीक्षक लोकेन्द्र ठगुन्नाले जानकारी दिए ।
प्रहरीका अनुसार उनको उपचारका क्रममा जिल्ला अस्पताल बाजुरामा मृत्यु भएको थियो ।
खाली रहेका ग्यासका सिलिण्डर बोकेर तिपाडा जाँदै गर्दा चौराटी खेत नजिकै दुर्घटना हुँदा घाइते भएका योगीको उपचारका क्रममा मृत्यु भएको ठगुन्नाले बताए ।
