नेपाल स्वयंसेवी रक्तदाता समाजको वनभोज सगैं रक्तदान कार्यक्रम
काठमाडौं । वनभोज भन्ने वित्तिकै आम जनमानसमा खाने,रमाउने र घुम्ने भन्ने बुझिन्छ तर नेपाल स्वयंसेवी रक्तदाता समाजले वनभोज संगै रक्तदान कार्यक्रम पनि आयोजना गरेको छ ।
समाजले चोभारको मञ्जुश्री डाँडामा एक वनभोज कार्यक्रमसँगै रक्तदान कार्यक्रम पनि आयोजना गरेको हो । उक्त कार्यक्रम नेपाल स्वयंसेवी रक्तदाता समाज काठमाडौं महानगरपालिकाका वडा नं.१९, २०, २३ र २४ नगर समितिद्वारा संयुक्तरूपमा आयोजना गरिएको हो । कार्यक्रममा २९ जनाले रक्तदान गरेका थिए ।
कार्यक्रममा बोल्दै कार्यक्रमका प्रमुख अतिथि तथा नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी रक्तदाता प्रेमसागर कर्माचार्यले मनोरञ्जनसँगै सेवामुलक काम गर्दा समाजमा सकारात्मक सन्देश जाने भन्दै यस्तो कार्यक्रम आयोजना गरिएको बताएका छन् ।
कार्यक्रममा केन्द्रीय रक्त सञ्चार सेवाकी निर्देशक डा. मनिता राजकर्णिकार र कीर्तिपुर महानगरीय प्रहरी वृत प्रमुख रुकेश तण्डुकारका साथै बागमति प्रदेश सभासद् राजेश शाक्यलाई बिशेष अतिथिको रुपमा आमन्त्रण गरिएको थियो ।
कुनैपनि मादक पदार्थ मध्यपान विहीन उक्त वनभोज कार्यक्रम गरेर मानव सेवा गर्न सकिन्छ भन्ने सन्देश प्रवाह गर्नु नै कार्यक्रमको मूल उद्देश्य रहेको नेपाल स्वयंसेवी रक्तदाता समाज १९ वडा नगर समितिका अध्यक्ष बिनोद खड्गीले बताए ।
कार्यक्रममा नेपाल स्वयंसेवी रक्तदाता समाज महालक्ष्मी नगर समिति ललितपुरका अध्यक्ष बिजय कुमार महर्जनले प्रमुख कर्माचार्यलाई ७५ हजार रुपैयाँसम्मको जीवन बिमाको घोषणा र संस्थाको कोषमा ३ हजार ५०० रुपैयाँ जम्मा गर्ने घोषण गरेका छन् । तर, प्रमुख अतिथि कर्माचार्यले भने आफूलाई घोषण गरिएको उक्त रकमको जीवन बीमालाई त्यस नगर समिति अन्तर्गत आवश्यक्ता र योग्य समाजसेवी प्रति समर्पित व्यक्तिलाई प्रदान गरिदिन आग्रह गरे ।
रक्तदान कार्यक्रममा स्वयंसेवी तवरले रक्तदान गर्नुहुने स्वयंसेवी रक्तदाताहरूलाई प्रमुख अतिथि कर्माचार्यले प्रमाण–पत्र प्रदान गरेका थिए भने उपस्थित जनाउँनुहुने अतिथिहरुलाई मायाको चिनो बितरण गरेका थिए ।
