भोजपुरको दुम्मानामा प्रहरी पोष्ट स्थापना
भोजपुर । भोजपुरको आमचोक गाउँपालिका–९ दुम्मानामा प्रहरी चौकी स्थापना गरिएको छ ।
दुम्माना क्षेत्रको शान्ति सुरक्षालाई ध्यानमा राख्दै चौकी स्थापना गरिएको जिल्ला प्रहरी कार्यालय भोजपुरका प्रमुख डीएसपीले जानकारी दिए । उनका अनुसार चौकीमा प्रहरी सहायक निरीक्षकको कमाण्डमा ७ जना जनशक्ति रहने छन् ।
चौकीको प्रमुख जिल्ला अधिकारी कृष्णप्रसाद भण्डारीले उद्घाटन गरे । सो क्षेत्रमा गाँजा उत्पादन हुने र सोही कारण अवैध कारोबार बढ्न थालेको भन्दै स्थानीयले लामो समयदेखी प्रहरी चौकीको माग गर्दै आएका थिए ।
