म्यानचेस्टर युनाइटेडको वार्टफोर्डमाथि संघर्षपूर्ण जित
काठमाडौं । एफए कप अन्तर्गत गएराति भएको खेलमा म्यानचेस्टर युनाइटेडले वार्टफोर्डमाथि संघर्षपूर्ण जित निकालेको छ। ओल्ड ट्राफोर्ड मैदानमा भएको खेलमा घरेलु टोली युनाइटेडले १-० को संघर्षपूर्ण जित निकालेको हो।
युनाइटेडको जितमा स्कट म्याकटोमिनीले निर्णायक गोल गरे। उनले खेलको पाँचौ मिनेटमै एलेक्स टेलेसले कर्नरबाट प्रहार गरेको बललाई गोलको दिशा दिँदै टोमिनीले युनाइटेडको तेस्रो चरणमा जित सुरक्षित गरेका हुन्।
