टोखामा श्रीमान श्रीमती मृत भेटिए
काठमाडौं । काठमाडौंको टोखामा श्रीमान श्रीमती नै मृत अवस्थामा भेटिएका छन् ।
टोखास्थित ग्राण्डी भिलामा उमेश केसी र उनकी श्रीमती सुदीक्षा गिरीलाई शुक्रबार पौने ९ बजे मृत अवस्थामा भेटिएको प्रहरीले जनाएको छ ।
महानगरीय प्रहरी परिसर काठमाडौंका डिएसपी प्रमेश विष्टका अनुसार उमेश कोठाको बेडमा लडिरहेको र श्रीमती पासोमा झुन्डिएको अवस्थामा शव फेला परेको हो ।
प्रहरी अनुसन्धान अनुसार उमेश केही समयअघि मात्र अमेरिकाबाट नेपाल फर्किएको खुलेको छ । घटनाको कारण भने खुलेको छैन । घटना कसरी घट्यो भन्ने नखुले पनि श्रीमान श्रीमतीबीचको विवादले यो अवस्था ल्याएको देखिन्छ । घटनाबारे अनुसन्धान जारी छ ।’
प्रहरीका अनुसार उमेशको शीरमा चोट पटक देखिएको छ। घटनास्थल नजिकै रगत लागेको ढुँगा समेत भेटिनुले थप शंका जन्माएको हो। अहिले शवलाई पोष्टमार्टको लागि त्रिवि शिक्षण अस्पताल महाजगञ्ज पठाएको छ । विस्तृत विवरण भने पोष्टमार्टम रिपोर्टपछि खुल्ने प्रहरीले जनाएको छ ।
