घाँस काट्न गएकी महिलाको गैंडाको आक्रमणबाट मृत्यु
चितवन । आज चितवन राष्ट्रिय निकुञ्जमा घाँस काट्न गएकी एक महिलाको गैडाको आक्रमणबाट मृत्यु भएको छ ।
मंगलबार दिउसो साढे २ बजेको समयमा साथीसँगै घाँस काट्न गएकी रत्ननगर नगरपालिका वडा नम्बर ७ की ४० वर्षीया माया झाँक्रीलाई गैडाले आक्रमण गरेको थियो ।
उनीसँगै गएका अन्य दुइजना भने भागेर ज्याज जोगाउन सफल भएका थिए । ४० वर्षीया झाँक्रीको शव निकुञ्जको कोर इलाकामा फेला पारिएको थियो ।
