चितवनका बिभिन्न क्षेत्रमा भोली विद्युत अवरुद्ध हुने
चितवन । शनिबार चितवनका बिभिन्न क्षेत्रमा लगभग चार घण्टा विद्युत सेवा अवरुद्ध हुने भएको छ ।
विद्युत प्राधिकरण चनौली वितरण केन्द्र अन्तर्गतको ३३ ११ केभी चनौलीबाट वितरण हुने सम्पूर्ण फिडरहरुहरुमा बिहान १० बजेदेखि दिउँसो २ बजेसम्म विद्युत अवरुद्ध हुने भएको हो ।
केन्द्रका अनुसार पश्चिम चितवनका बिभिन्न क्षेत्र तथा माडीमा विद्युत अवरुद्ध हुनेछ । उता मेघौली फिडर पनि बेलुका ५ बजेसम्म अवरुद्ध हुने केन्द्रले जनाएको छ ।
सबस्टेशन मर्मत तथा मिटरिङ्ग युनिट जडान गर्नु पर्ने भएकोले चार घण्टा विद्युत अवरुद्ध हुने केन्द्रले जानकारी दिएको हो ।
