घुमाउन गएको जीप दुर्घटना हुँदा तीन जनाको मृत्यु
काठमाडौं । लमजुङको मर्स्याङ्दी गाउँपालिका २ मा जीप दुर्घटना हुँदा तीन जनाको मृत्यु भएको छ ।
गणेश माविका शिक्षक र विद्यार्थी बोकेको जीप दुर्घटनामा परेको प्रहरीले जनाएको छ । दुर्घटनामा मृत्यु हुनेमा सोही विद्यालयका शिक्षक कमल राना र विद्यार्थी गणेश भण्डारी र प्रमिसा गुरुङ रहेका छन् ।
विद्यार्थीलाई घुमाउन गएको जीप दुर्घटनामा परेको बताइएको छ । दुर्घटनामा परेर ९ जना घाइते भएका छन् ।
