प्रधानन्यायाधीश जबरालाई कोभिड निमोनिया, स्वास्थ्य अवस्था भने ‘स्थिर’
काठमाडौँ । कोरोनाभाइरस संक्रमणपछि बलम्बुस्थित एपीएफ अस्पतालमा भर्ना भएका प्रधानन्यायाधीश चोलेन्द्र शमशेर जबरामा कोभिड, निमोनिया देखा परेको छ । अहिले उनको अवस्था भने स्थिर रहेको अस्पतालले जनाएको छ ।
आइतबार प्रधानन्यायाधीश जबराका एक जना पारिवारिक सदस्यलाई संक्रमण देखिएको थियो। कन्ट्याक्ट ट्रेसिङमा परेका जबराले सोमबार स्वाब परीक्षण गराएका थिए। त्यसको केही घण्टामा उनको रिपोर्ट पोजिटिभ आएको हो।
अस्पतालका डाक्टर प्रविण नेपालले जबरालाई कोभिड, निमोनिया देखिएको पुष्टि गरेका हुन् । जबरालाई हिजो अस्पतालमा भर्ना गरिएको हो। स्वास्थ्यमा असहजता देखा परेपछि प्रधानन्यायधीश जबरा केही दिन देखि बालुवाटारमा रहेको निवासमा बसिरहेका थिए।
