कांग्रेस केन्द्रीय समितिको बैठक बूढानीलकण्ठमा
काठमाडौं। कांग्रेसको केन्द्रीय कार्यसमितिको बैठक सभापति शेरबहादुर देउवा निवास बूढानीलकण्ठमा बस्दैछ ।
कांग्रेसको महाधिवेशन मितिबारे निर्णय गर्ने बैठकको मुख्य एजेण्डा रहेको छ । कांग्रेसको १४ औं महाधिवेशन पटक–पटक सर्दै आएको छ । कांग्रेसको निर्वाचन समितिले मंसिरको २४ देखि २६ सम्म महाधिवेशन आयोजना गर्न मिति प्रस्ताव गरेको छ ।
आजको केन्द्रीय कार्यसमितिको बैठकले सोही मितिलाई अनुमोदन गर्ने कांग्रेस नेताहरूले बताएका छन् ।त्यसबाहेक महाधिवेशन आयोजना र व्यवस्थापनको लागि विभिन्न समितिहरू पनि आजको बैठकले बनाउने तयारी गरेको छ ।
कांग्रेसको पदाधिकारी बैठकले शनिवार नै केन्द्रीय कार्यसमिति बैठकको एजेण्डा तय गरेको थियो ।
