प्रतिनिधि छान्दा समझदारी अपनाउन अध्यक्ष ओलीको निर्देशन
काठमाडौं। दशौं राष्ट्रिय महाधिवेशनको लागि नेकपा एमालेका अध्यक्ष केपी शर्मा ओलीले उच्च समझदारीका साथ प्रतिनिधि छनोट गर्न पार्टीका सदस्यह
रुलाई आह्वान गरेका छन्।
महाधिवेशनका लागि शनिबार देशभर प्रतिनिधि चयनको मिति तय भएको सन्दर्भमा अध्यक्ष ओलीले सन्देश जारी गर्दै दलभित्र आपसी समझदारी सुदृढ एकताको आधार हुने भएकाले यसलाई लोकतन्त्रकै अभ्यासका रुपमा प्रयोग गर्न आग्रह गरेका हुन्।
अध्यक्ष ओलीको सन्देशमा भनिएको छ, ‘हामी सबैलाई थाहै छ, लोकतान्त्रिक अभ्यास भनेको जिम्मेवारीबोध र अनुशासनसहितको अभ्यास हो र प्रतिस्पर्धा मात्रै होइन, समझदारी, अझ उन्नत स्तरको समझदारी र सहमति लोकतन्त्रको उच्चस्तरीय अभ्यास हो। दलहरूका बीचमा प्रतिस्पर्धा हुन्छ र त्यो स्वस्थ हुनुपर्छ। दलभित्रआपसी समझदारी सुदृढ एकताको आधार हो।
