जबराको पक्षमा प्रदर्शन गर्न खोज्नेहरू प्रहरीको हिरासतमा
काठमाडौँ। प्रधानन्यायाधीश चोलेन्द्र शम्शेर जबराको पक्षमा न्यायापालिका बचाउ भन्दै प्रदर्शन गर्नेहरूलाई प्रहरीले नियन्त्रणमा लिएको छ ।
प्रधानन्यायाधीशको पक्षमा तारा बरालगायत व्यक्तिहरू न्यायालय बचाऔ भन्दै नेपाल बार प्रवेश गर्न खोज्दै नारा लगाएका थिए ।
वकिल नभएकोले बार प्रवेश गर्न लागेका प्रदर्शनकारीहरूलाई प्रहरीले रोकेको थियो । अटेर गरेपछि उनीहरूलाई प्रहरीले नियन्त्रणमा लिएर बाहिर निकालेको छ ।
