विदेशमा कोरोना संक्रमणबाट थप ३ नेपालीको मृत्यु
काठमाडौं । विदेशमा कोरोना भाइरसको संक्रमणबाट थप ३ नेपालीको मृत्यु भएको छ ।
गैरआवासीय नेपाली संघ (एनआरएनए)का आनुसार अनुसार यो साता विदेशमा थप तीन नेपालीको मृत्यु भएको हो ।
मृत्यु हुनेमा युकेमा १ र पोर्चुगलमा २ जना नेपाली रहेका छन् । योसंगै विदेशमा कोरोना भाइरसबाट मृत्यु हुने नेपालीको कुल संख्या ३ सय १५ पुगेको छ ।
संघको स्वास्थ्य समितिका संयोजक सञ्जीव सापकोटाका अनुसार शनिवार साँझसम्म विभिन्न ५० देशमा रहेका ५३ हजार ३ सय ८५ जना नेपालीमा कोरोना संक्रमण देखिएको छ ती मध्ये ५० हजार ६ सय ५६ जना कोरोना मुक्त भएका छन् ।
