प्रधानमन्त्री ओली आज पनि कार्यकर्तालाई सम्बोधन गर्दै
काठमाडौं । नेपाल कम्युनिस्ट पार्टी (नेकपा)का अध्यक्ष समेत रहेका केपी शर्मा ओलीले आज अनेरास्ववीयूले आयोजना गरेको भेलामा कार्यकर्तालाई सम्बोधन गर्ने भएका छन् ।
ओली समूह पक्षधर अनेरास्ववीयूले आज दिउँसो १२ बजे कार्की ब्याङकेटमा भेलाको आयोजना गर्दैछ । भेलामा ओलीसहित नेकपाका शीर्ष नेताले सम्बोधन गर्ने कार्यक्रम तय गरिएको छ ।
प्रतिनिधिसभा विघटनपछि ओलीको सक्रियता बढ्दै गएको छ । यसअघि ओलीले शनिबार काठमाडौं जिल्लास्तरीय आफ्ना समूहका कार्यकर्तालाई सम्बोधन गरेका थिए ।
