मोटरसाइकल दुर्घटनामा प्रहरी जवानको मृत्यु
काठमाडौं। रौतहटको पूर्वीभेग स्थित मोटरसाइकल दुर्घटनामा परेर एक जना प्रहरीको मृत्यु भएको छ। गढी माई नगरपालिकाको धरमपुर स्थित बागमती नदीको पुलमा ठोक्किएर गएराति एकजना प्रहरी जवानको मृत्यु भएको हो।
सर्लाहीको धनकौल वैरिया घर भई दुर्गा भगवती गाउँपालिका बडहराका प्रहरी चौकीमा कार्यरत ३३ वर्षीय रामनिवास यादवको बागमती नदीको पुलमा सोमवार राति ८:१५ मा मोटरसाइकल दुर्घटना भई मृत्यु भएको प्रहरीले जनाएको हो।
दुर्घटना लगत्तै इलाका प्रहरी कार्यालय गरुडाको नेतृत्वको टोली घटनास्थल पुगेको थियो। घटनाको कारणबारे अनुसन्धान भइरहेको तथा मृतक प्रहरी जवान यादवको शवलाई पोष्टमार्टमका लागि जिल्ला अस्पताल गौर पठाइएको प्रहरीले बताएका छन्।
