पासपोर्ट बनाउनेको भीड, सबेरैदेखि लाइनमा बस्दा नि पालो आउने अत्तोपत्तो नै छैन
काठमाडौं। राहदानी विभागमा पासपोर्ट बनाउने युवाहरूको भीड लागेको छ। आज बिहानै देखि पासपोर्ट बनाउन सेवाग्राहीहरु लाइनमा बसेका छन्।
सेवाग्राहीको भिडभाड हुँदा लाइन व्यवस्थापन गर्न सुरक्षाकर्मीहरूलाई पनि हेम्मेहम्मे परेको देखिन्थ्यो। राहदानी विभागदेखि लैनचौरसम्म सर्वसाधरण लाइनमा बसेका छन्।
चाँडो काम हुने आशाले बिहानैदेखि लाइनमा आएर बसेको सेवाग्राहीहरुको गुनासो छ। बिहानैदेखि लाइनमा बस्दा पनि आज पालो आउने नआउने कुनै टुङ्गो नभएको सेवाग्राहीहरुल बताउछन्।
