स्कुल बसबाट खसेर एक विद्यार्थीको मृत्यु
काठमाडौं। पोखरामा स्कुल बसबाट खसेर एक विद्यार्थीको मृत्यु भएको छ ।
पोखराको हेमजास्थित ज्ञानसागर एकेडेमी स्कूल बसबाट खसेर गम्भिर घाइते भएका विद्यार्थीको उपचारका क्रममा मृत्यु भएको हो । ज्ञानसागर एकेडेमी स्कूलको ना. १ क २३७३ नम्बरको बसको ढोकाबाट खसेर गम्भिर घाइते भएका युकेजीमा अध्ययनरत ८ वर्षीय विद्यार्थी रोमन तामाङको उपचारका क्रममा मृत्यु भएको जिल्ला प्रहरी कार्यलय कास्कीले जानाएको छ ।
दुर्घटनामा परी टाउको र शरीरका विभिन्न भागमा चोट लागेका तामाङको उपचार क्रममा मणिपाल शिक्षण अस्पतालमा मृत्यु भएको हो । प्रहरीले धादिङ गंगाजमुना गाउँपालिका–६ घर भएका ४७ वर्षीय बस चालक सानो कान्छा थापालाई पक्राउ गरेको छ । चालकलाई सवारी ज्यान मुद्दामा जिल्ला अदालतबाट ७ दिनको म्याद थप गरी अनुसन्धान भइरहेको प्रहरीले जनाएको छ ।
