डेल्टा भेरियन्ट संक्रमण देखिएपछि चीनमा पुनः लकडाउन
काठमाडौं। चीनमा ४० लाखको जनसंख्या भएको एउटा शहरमा पुनः लकडाउन लागू गरिएको छ । कोरोनाको संक्रमण बढेपछि चीनमा यस्तो कदम उठाइएको हो ।
पहिला पनि उत्तरी चीनमा हज्जारौं मानिसलाई घरभित्रै बस्न कडा आदेश दिइसकिएको थियो । चीनमा कोरोनाको ताजा संक्रमण डेल्टा भेरियन्टसँग सम्बन्धित भएको बताइएको छ ।स्वास्थ्य अधिकारीले परीक्षणको दायरा बढेसँगै संक्रमितको संख्या पनि बढ्ने अनुमान गरेका छन् ।
त्यसैले त्यहाँका जनतालाई आपतकालीन स्थितिमा मात्रै बाहिर निस्कन अपिल गरिएको छ । यद्यपि, चीनमा संक्रमितको संख्या निकै कम छ तर गाँसू प्रान्तको राजधानी लानजूमा सावधानी स्वरुप लकडाउन लागू गरिएको छ ।
सोमबार चीनमा २९ नयाँ संक्रमित भेटिएका थिए जसमध्ये लानजूमा ६ जना भेटिएका थिए ।
